கனவுத் தொழிற்சாலை

நீ இருப்பது கனவுத் தொழிற்சாலை

அதனால் தான் பல ஆடவரின்

கனவினில் தினம் நீ!! - ஆனால்

தளிர் மேனியில் தளர்வு வந்திடின்

இன்று உன் எழிலைக் காண திரளும்

கூட்டம் ஓட்டம் பிடித்திடும்!!-உன்னில்

காக்கைக்கும்கூட நாட்டம் குறைந்திடும்!!-உன்

உதவிக்கு வர உதவாக்கரையும் மறுத்திடும்!!

கனவாய் உன் வாழ்வு மாறாமல் இருந்திட

தோழியே கவனமாய் இருந்திடுவாய்!!-அது

கனவுத் தொழிற்சாலை மட்டுமல்ல உனை

போன்ற பல இளம் பெண்களின் உயிரினை

பறித்திட்ட சவத் தொழிற்சாலையும் தான்!!