Sunday, August 3, 2008

அறிவு வளர்த்திடு!!

தேனினும் இனிய
சுவை கொண்ட தமிழே!!- நீ
அறிவுச்சுரங்கத்தின்
மொழியாய் ஒளிர்ந்திடும் நாள்
எந்நாள்?

பக்தி மொழியாய்
முதலையுண்ட பெண்ணை
உயிர்பித்த மொழியாய்
தாளிட்ட கோயில் கதவினை
திறந்திட்ட மொழியாய்
பொய் கதைகள்
உன்மேல் புனைந்திட்டே -உன்
அறிவியல் வளர்ச்சி
தடுத்திட்டார் செம்மொழியே!!

இத்துனை அற்புதங்கள்
நீ நிகழ்த்தியிருப்பதாய்
கூறிடும் கனவான்கள்தான்
நீ வழிபாடு மொழியெனின்
உனை 'நீச' மொழியென்றே
ஓடுகின்றார் ஒரு காதத்திற்கு!!

பக்தி மொழியாய்
உனை ஆக்கிட்ட
சூதும் உனக்கு
புரிகின்றதா
என் தாய் தமிழ் மொழியே!!??


தேவாரமும் திருவாசகமும்
கல் மனதினையும் உருகிடச் செய்திடும்
என்றே கூவுவார்- ஆனால்
சிதம்பரத்தில் பாடிட சென்றிடும்
தீட்சதரை துரத்தியே அடித்திடுவர்!!

பக்தி மொழி தெய்வ மொழி
எனவே உனை அழைப்பர்
கோயில்களில் உனை துரத்தியடித்திடும்போது
கடவுள் சிலைகள் 'கல்'லாய் அமர்ந்தனவே!!
அப்பொழுதும் புரிந்திடவில்லையா தமிழே
சில ஆதிக்க வர்க்கத்தின் எண்ணம்??

உனை பக்தி மொழியாய் மாற்றியே
நம் மக்கள் மதியில் பக்தி
போதையினை ஏற்றியே
சிந்திக்க விடாது தடுத்திட
உனை அறிவியல் மொழியாய்
வளர விடாது தடுத்திடவே- சில
சாணக்கியர்கள் செய்த ஏற்பாடு!!
புரிந்திடு இதனை என் தமிழே!!

இந்திப்பெண் ஆதிக்கம்
கொள்ள வரும்போது உன் வலிக்கரம்
கொண்டு தடுத்தனை!!- ஆனால்
பக்தி போதையில் நீ் சிக்குண்டு
தொலைந்து போகாதே!!

கடவுளின் கற்பனை அற்புதங்களை
ஒழுக்கமற்ற லீலைகளை
செப்பியது போதும்!!

அறிவியல் உண்மைகளை
வான் அறிவியலை
மருத்துவ குணங்களை
புதிய கண்டுபிடிப்பினைப் பற்றியே
அழகு தமிழில்
படைத்திடு!!
காலங்கள் கடந்து அறிவு வளர்த்திடு!!

மனித இனம்

புலியும் சிங்கமும்
தன் இனம் அழிக்க துணியா!!- ஆனால்
ஆறறிவு பெற்ற மனித இனம்
அறிவியல் கண்டுபிடிப்பு
அத்துணையையும் தன் இனத்தின்
அழிவிற்காய் பயன்படுத்தும்
தன்னல உருவங்களாய்!!
ஆறாம் அறிவினை
சிறிதும் பயன்படுத்தா
மூடர்களாய் அவனியிலே
உலவிடும் இனம்!!
பகுத்தறிவு கொண்டே சிந்தித்து
செயல்படா மிருகமும் தன் இனம்
அழியும் போது கண்ணீர் சிந்திடும் ;
மனம் துடித்திடும்;-ஆனால்
மதங்'கள்' தந்திட்ட போதையால்
சாதி'கள்' தந்த
பித்தத்தினால் ஒன்றுமறியா
தன் அண்டை
மனிதன் அழிவுறும்போதும்
குருதியில் வலிகொண்டு துடித்திடும்போதும்
கைகொட்டியே சிரித்திடும்
ஆனந்த கூத்தாடிடும்
மனிதம் வற்றுப்போன
அருவருப்பான மனித ஆந்தைகள்!!
நாட்டில் உலவிட தடையிட்டு
காட்டினில் விடினும்
ஒற்றுமை கொண்ட மிருகங்களையும்
பிரித்தே கொன்றிடும்
கொடூர மதியாளர்கள்!!
இனி இந்த
மனித கோட்டான்கள்
உலவிட உகந்தயிடம்
மன'நல' காப்பகங்கள் மட்டுமே!!

நாத்திகத்தை ஏற்றுப்பார்!!

வைரமுத்து அவர்கள் காதலித்துப்பார் என்றே ஒரு கவிதையினை அருமையாக எழுதியிருப்பார்கள்
அதன் இறுதி வரியை மட்டும் நாத்திகத்தை ஏற்றுப்பார்!!
என்று மாற்றி எழுதியது!!


தேவையற்ற பண்டிகைச்
செலவு குறைத்திட்டே
சேமிப்பு கொண்டே
வாழ்வில் மகிழ்ச்சி மிளிர்ந்திட!!
நாத்திகத்தை ஏற்றுப்பார்!!

ஆயிரக் கணக்கில்
ஆயுதம் ஏந்திய
கடவுள் எண்ணிக்கையில்;
எதையாவது வழிபட
விட்டுத் தொலைத்தால்
நேர்ந்திடுமே அவலம்
என்றே எண்ணி எண்ணியே
பொருளினையும் நேரத்தினையும்
வீணாக்கிடும் இவற்றை
விட்டோழித்து ஆக்கப் பணியில்
புத்தியினைச் செலுத்தியே
வாழ்வில் வளம் பெறலாம்,
நாத்திகத்தை ஏற்றுப்பார்!!

என் கடவுள் சிறந்தது
உன் கடவுள் சிறியது
எனவே போரிடும்
மக்களே கூட
ஒரு நிலையினில் நாத்திகர்தான்!!
நீ கடவுள் இல்லை
எனச் செப்பியே
மனிதம் வள்ர்த்திட
பாடுபட்டே மனிதநேயம்
காத்திட நாத்திகத்தை ஏற்றுப்பார்!!

அறிவிற்கு பொருந்தா
கடவுளர் பிறப்பும்
அவற்றின் ஒழுக்கமற்ற நடப்பும்
உன் மூளைதனில் ஏற்றியே
உனை மூலையில்
அமர்ந்திடச் செய்வர்!! அதனை
தகர்த்தே பகுத்தறிவினை ஏற்றே
பண்டைத் தமிழ்
மறவரின் வாழ்வினை
அறிந்தே செயல்பட
பண்பாட்டு
படையெடுப்பினைப் புரிந்திட
நாத்திகத்தை ஏற்றுப்பார்!!

வாழ்வில் தோற்பின்
விதி எனவே மூலையில்
முடங்கிடாது தோற்ற
காரணம் அறிந்தே
விதி தனை
மதி கொண்டு
வென்றிட
வாழ்வின் போராட்டம் புரிந்திட
தன்னம்பிக்கையின் தத்துவத்தினில்
நம்பிக்கை வந்திட
நாத்திகத்தை ஏற்றுப்பார்!!

எல்லாம் அவன் செயல் என்றே
மக்கள் தொகை பெருக்கிட்டார்;
குடும்ப கட்டுப்பாடே
நாட்டினை வளமாக்கிடும்
என அறிந்திட
நாத்திகத்தை ஏற்றுப்பார்!!

இயற்கை சீற்றத்திலும்
தீவிரவாதத்திலும் சிக்குண்டு
மனிதன் அழிவுறும் நொடியில்
வாரா இறைவன்
வருவான் வருவான்
என்றே எதிர்பார்த்தே
அவன் விமானம் கொண்டே
வருவான் சொர்க்கம் சென்றிட
என்றே பூசைகளும் பலிகளும்
நடத்தியே வாழும் காலம்
அறிவு தொலைத்து
மனிதம் மறந்து
இறந்தபின் மோட்சம்
செல்ல வேண்டி வேண்டி
இறப்பதை விட
மண்ணில் வாழ்ந்திடும் நேரம்
மண்ணின் உயிர்களை
நேசித்தே வாழ்ந்திடவும்
இறந்தால் உடல்
மண்ணோடு மண்ணாக
மக்கிப்போகும்
உயிரோ தனியே
எங்கும் உலவிடாது என்றே
உண்ர்ந்திட
நாத்திகத்தை ஏற்றுப்பார்!!

சுகவாழ்வு வாழ்ந்திட
சுயமரியாதை பெற்றிட
தன்னலம் மறந்திட
மனிதம் தழைத்திட
நாத்திகத்தை ஏற்றுப்பார்!!

என் மனம் மறந்திடா!!

காதல் உலகம் உனக்கென ஒன்று
கனப்பொழுதில் அமைப்பேன் என் கண்மணியே
காலங்கள் கடந்துபோயினும் நான் கொண்ட
கள்ளமற்ற அன்பு என்றுமே
கானல் நீராய் மாறாது என் மகிழம்பூவே!!
கன்னித்தமிழின் சுவையாய்
இனித்திடும் உன் பேச்சினை
காலந்தோறும் கவிதையெனவே சுவைப்பேன்!!
நீ என்னோடு இருந்திட்ட நொடிகளை;
என் வாழ்வினில் வாழ்விணை நீ
எனக்களித்த இன்ப நிமிடங்களை;
மரணம் தழுவையிலும் என் மனம் மறந்திடா!!

முரண்பாடு!!

பெண்ணை சீண்டுவது

குற்றம் என்றே பகன்றிடுவார்

கேலி பேசுவதும்

கைதனைப் பற்றி

இழுப்பதும் தவறு எனவே

குதித்திடுவார் - ஆனால்

கிருஷ்ண லீலைகள்

பற்றியே பாடி பாடி

ஆனந்தம் கொண்டிடும்

இவர் உள்ளம்!!

வரலாற்றின் பொன்னேடுகளில

உள்ளதை உள்ளபடி
உரைத்திடும் உணர்வாய்
உணர்வுகளின் வெளிப்பாடாய்
துயரத்தின் வடிகாலாய்
காலத்தினால் அழிக்க முடியா
அன்பின் ஊற்றாய்
ஆழ்கடலும் அழித்திடும்
துன்பம் வருகையில்,
கரை சேர்த்திடும் ஓடமாய்
கண்ணை இமை காப்பதுபோல்
காத்திடும் அரணாய்
மகிழ்ச்சியை மட்டுமே
பரிசாய் தந்திடும்
அரசனாய்
தன்னம்பிக்கை தரும்
நம்பிக்கையாய்
காலங்கள் கடந்தாலும்
அழியா பற்றுடன்
உனை என்றுமே
தாங்கும் நட்பு
வரலாற்றின் பொன்னேடுகளில்
பொறிக்கப்பட வேண்டிய
கைமாறு எதிர்பாரா
பாசத்தின் சின்னம் !!

கலங்கரை விளக்கு

பாதை மாறாமலே
கப்பலினை கரைசேர்த்திடும்
கலங்கரை விளக்கு
பாதை அது மாறினும்
வழிகாட்டியே
வாழ்வினை உய்வித்திடும்
நட்பின் விளக்கு- அது
அன்பின் விலங்கு -அதனை
அனுப்பொழுதும் விலக்காமல் விளங்கு!!- பின்
வாழ்வின் உன்னதம் விலங்கிடும்!!
துன்பமும் விலகிடும்!!