Thursday, July 14, 2016

கெடல் எங்கே தமிழின் நலம் அங்கெல்லாம் ...

அண்மையில் நியூ ஜெர்சியில் நடைபெற்ற பெட்னா (fetna )வட அமெரிக்கத் தமிழ்ச்சங்கப் பேரவை நடத்திய கவி அரங்கத்தில் நான் வாசித்த கவிதை (July 2,2016)

கானகத்தில் மனிதன் 
கால் சுவடகள் பதிக்க  
கடித் தமிழகமோ 
அரிச்சுவடி தொடங்கியிருந்தது

பூந்தமிழ் கூறும்  
பண்பும் , இலக்கியமும் 
நம்  சமூகத்தின் 
வாழ்வியலை உலகிற்கு 
உணர்த்தும் முழக்கு  

தமிழின் தொன்மை 
அறிவோம் 
தமிழின் இனிமை 
தெரிவோம் 

தமிழ் எனின் அமிழ்தாம் 
என்பர் கவி வரைவோர் 
அமிழ்தினை சுவைத்தார் 
அவணியில் உண்டோ ?
கவின் கூட்டும் உவமை தான் 
கவியில், கற்பனை மெருகூட்டும் 
 மறுத்தேன் இல்லை 
கற்பனையும் 
ஐம்புலனுக்கு ஐயமின்றி 
இருத்தலே நலம் அன்றோ?

 
மறைக்கதவு திறந்திட 
செய்திட்ட தமிழே, மொழியே, அமுதே 
என்று பாடிடுவார் 
மனம் மகிழ்ந்திடுவார் 
பக்தி மணம் பரப்பிடுவார் 
கோயிலில் 
நீச மொழி என்றே 
ஒரு காத தூரம் ஓடிடுவார் ...

எண்புகள் கொண்டு உயிரை 
மீட்டெடுத்த கதை இனிக்கும் 
வரலாறோ எண்பும் சதையும் 
சிதையும் குண்டு மழையில் 
மொழி தமிழ் ஆனதால் 
எனும் உண்மை மறுக்கும்  

மெய்யாய் அவனியில் 
தழைத்தோங்கும் 
தமிழின் தலைமை 
வரலாறறியும்
சிங்கப்பூரில் தமிழ் 
ஆட்சி மொழியாம் 
நமக்கோ 'தமிழ்'நாடு 
என்ற பெயரே மிச்சம் !!

தமிழ்ப் பிள்ளைகளின் 
பெயர்கள் ஒலிக்க 
கேட்டால் 
பெயரில் 'தமிழ் 'இல்லை 
மதங்கள் மட்டுமே !!

தமிழ் கற்றிட 
பிழையின்றி எழுதிட 
தமிழனுக்குத் 
திராணியில்லை 
இந்தி படிக்காது 
ஒரு தலைமுறையே பாழ் 
என்ற  உளறலுக்கு பஞ்சமில்லை 

செத்த மொழியில் விஞ்ஞானம் 
எனப்  பூரிப்போர் 
 தாய் மொழி கற்றலே 
சமூகஉயிர்ப்பின் விஞ்ஞானம் 
என அறியாத மங்குனிகள் !!

உணவைத் திணித்தால் 
துப்புவது உயிர்க்காக்கும் 
மொழியும் அவ்வாறே 
மரித்த மொழியெல்லாம்
அரியணை 
ஏறிடத் துடித்திட்டால் 
சவுக்கடி கொடுப்பது ஒன்றே 
சரியாமாம் !!

நுனிநாக்கு ஆங்கிலம் அந்தக் காலம் 
தமிழும் நுனிநாக்கில் 
அல்லல்படுது இந்தக் காலம் 
கசடதபற 
ஙஞணநமன 
யரலவழள  
எல்லாமே தகதிமி தகதிமி தான் 
தொலைக்காட்சியில் ஒற்றுப்பிழையையும் 
திரைப்பாடல்களில் உச்சரிப்பு கொலையையும் 
but -ஆனா இம்சைகளையும் 
தட்டிக் கேட்பாரில்லை 
செவ்வியல் மொழிதனை 
சவக்குழிக்குள் புதைக்கவே 
இங்கே அட்டியில்லை 

மொழியின் அழிவு 
அம்மக்களின் அழிவன்றோ?
அம்மொழி இயம்பும் 
பண்பாட்டின் அழிவன்றோ?

சீர்மிகு வாழ்வு வாழ்ந்தோம் 
சீறிவந்த பகை முடித்தோம் 
என மிடுக்காய் நுவல்கின்றோம் 
தமிழினம் கெடுத்த 
பங்காளிச் சண்டையினை; 
பின் சேரனும் , சோழனும் , பாண்டியனும் 
பகையாமோ?

ஆயிரம் உட்பகை கொண்டு 
சமயம் கொண்டு 
ஜாதி கொண்டு 
உயிர்ப்பலிக் கொன்றோம் 

 செம்புலப் பெயல் நீர் போல,
 அன்புடை நெஞ்சம்  தாம் கலந்தனவே!
 என்ற குறுந்தொகையின் காதல் அன்று ;
இன்றோ காதல்  
 ஒடுக்கப்பட்டோன் தலைவாங்கும் ;
 திவ்யாக்களும் , கவுசல்யாக்களும்  
 பிறப்பொக்கும் எனும் மடிந்த  தத்துவத்தின் 
 மெய்யாய் நின்றிடும் சாட்சிகள் !!
 பெருமாள் முருகன்களும், 
 துரை குணாக்களும் 
 சாதீயில் 
 சிதைந்து போன எழுத்தாற்றலின் 
 மானுதல்  !!

கெடல் எங்கே தமிழின்  நலம் 
அங்கெல்லாம் 
தமிழினத்தின் நலமும் கெடல் 
ஜாதியும் 
சமயமும் 
பிறமொழி நாட்டமும் 
கடிகையாய் 
சுழலும் வரை 
சமத்துவம் ஏது ?
சகோதரத்துவம் ஏது?
தமிழின் மேன்மை'ஏது?


கெடல் எங்கே தமிழின் நலம் 
அங்கெல்லாம் புறப்பட்டு 
இளஞ்சிங்கங்காள் ;
 வஞ்சனை விரட்டு ,
தமிழர் பகைதனை முடித்து ;
 உயர்நீதிகள்  உண்டு தமிழில் 
 உயர் நீதிமன்றத்தில் தான் 
 தமிழே இல்லை 
தட்டிக் கொண்டே இருந்தால் 
கதவுகள் திறக்காது 
தகர்த்துப் போடு!!
தமிழை அரியணை ஏற்று ;

கெடலின் காரணிகளை 
களம் கண்டு களை பிடுங்க 
தழைக்கும் தமிழின் நலம் 
சிறக்கும் தமிழர் வாழ்வு 
தாமதித்தால் 
சாம்பலாகக் கூட 
எஞ்சாது தமிழும் - தமிழினமும் !!

Saturday, March 19, 2016

இந்தியாவில் திருமணத்தில் நடைபெறும் பாலியல் வல்லுறவு (Marital Rape ) -ஒரு பார்வை

http://siragu.com/?p=20108


அண்மையில் மகளிர் மற்றும் குழந்தைகள் நல மேம்பாட்டுத் துறை அமைச்சர் திரு. மேனகா காந்தி அவர்கள் இந்தியாவைப் பொருத்தவரை திருமணத்தில் நடைபெறும் பாலியல் வல்லுறவு(Marital Rape) சட்டப்படி குற்றமாகப் பார்க்கப்பட மாட்டாது என்று அறிவித்தது, மிகுந்த சர்ச்சையை ஏற்படுத்தியுள்ளது.
இந்தியாவைப் பொருத்தவரை திருமணம் என்பது புனிதமாகப் பார்க்கப்படுவதாலும், மதங்களும், சமூகக் கட்டமைப்பும் பெண்கள் என்பவர்கள் ஆணின் உடைமை என்பதை அங்கீகரிக்கும் காரணத்தினாலும் இந்த நாட்டில் திருமண உறவில் பெண் வல்லுறவு செய்யப்பட்டால் அது தவறு இல்லை என்று சட்டம் சொல்கின்றது.  இது மிகப் பெரிய மனித உரிமை மீறல் என்பதை நாம் ஏற்க மறுக்கின்றோம். இந்தியாவில் திருமணத்தில் பாலியல் வன்புணர்விற்கு ஆளாகும் பெண்களின் எண்ணிக்கை, தெரியாத பிற ஆண்களிடம் வன்புணர்விற்கு ஆளாகும் பெண்களை விட 40 மடங்கு அதிகம் என்பதுதான் அதிர்ச்சித் தரும் தகவல் என்று  2014-இல் நடத்தப்பட்ட ஒரு ஆய்வு தெரிவிக்கின்றது.
குற்றவியல் சட்டம் (திருத்தம்) 2013 -The Criminal Law (Amendment )Act 2013- இல் “15 வயதிற்கு உட்பட்டவராக மனைவி இல்லாத பட்சத்தில் கணவன் தன் மனைவியை பாலியல் வன்புணர்வு செய்தால் அது குற்றம் இல்லை.” என்று கூறுகின்றது.
thirumanaththil4திருமணத்திற்குப் பின் பெண் என்பவள் தனக்கான இச்சையைக் கூட தீர்மானிக்க அருகதை அற்றவள் என்பதைத்தான் இந்தியச் சட்டங்கள் தெளிவாகக் கூறுகின்றன. அதற்கு மதங்களும் சமூகக் கட்டமைப்பும், திருமணம் என்பது புனிதம் என்று வைத்திருக்கும் கற்பிதமே காரணம். குடும்பங்கள் என்ற அமைப்பு சிதறிவிடக் கூடும் என்று 21-ஆம்  நூற்றாண்டிலும் திருமணத்தில் பாலியல் வன்புணர்வு குற்றமாகாது என்று கூறுவது மிகப் பெரிய தவறு.
இந்திய தண்டனைச் சட்டம் 375-இன் படி மனைவிக்கு 15 வயதிற்கு கீழ் இருக்கும் நிலையில் பாலியல் வன்புணர்வு குற்றம் என்றும், 15 வயதிற்கு மேல் இருப்பின் குற்றமாகாது என்றே கூறுகின்றது. குடும்ப வன்முறைச் சட்டம் 2005 இல் திருமணத்தில் பாலியல் வன்புணர்வு உயிருக்கு ஆபத்து விளைவிக்கக் கூடியதாகவும்,  பெரும் காயம் ஏற்படுத்தக் கூடியதாகவும் இருந்தால் மட்டும் குற்றமாகும் என்று கூறுகின்றது. மேற்கண்ட அனைத்தும் உரிமையியல் தீர்வுகள் மட்டுமே (civil remedies) சட்டப்படியான குற்றச் செயல் கிடையாது என்பதை நாம் நினைவில் கொள்ள வேண்டும்.
குழந்தை மணம் தடுப்புச் சட்டத்தின் படி பெண்ணிற்கு திருமண வயது 18. ஆனால் திருமண உறவில் மட்டும்  15 வயதிற்கு மேற்பட்ட பெண் தன் விருப்பம் இல்லை என்றாலும் கணவன் என்ற ஆண் அந்தப் பெண்ணை வன்புணர்வு செய்யலாம் என்பது  மிகப் பெரிய முரண்.
thirumanaththil32012 -இல் தில்லி நீதிமன்றம் தன் மனைவியை பாலியல் வன்புணர்வு செய்த கணவனை விடுதலை செய்தது. பாதிக்கப்பட்டவர் குற்றம் சாட்டப்பட்டவரின் சட்டப்படியான மனைவியாக இருந்தால், மனைவிக்கு உடன்பாடு இல்லாத நிலையில் அல்லது கட்டாயத்தின் பெயரில் உடலுறவு இருந்தாலும் பாலியல் வன்புணர்வு ஆகாது என்று தீர்ப்பளித்தது.
இந்தியாவில் ஏன் இந்த மன நிலை இருக்கின்றது? என்பதற்கு மன நல அலோசகர் திரு. தீபக் கஷ்யப், இந்தியாவில் உடலுறவு என்பது பெண்ணின் கடமையாகப் பார்க்கப்படுகின்றது. இங்கே பாலியல் தேவைக்கும் – இன்பத்திற்கும் வேறுபாடு அறியாத மக்கள் இருப்பது வேதனை என்று தெரிவித்தார்.
Women’s Media Center என்ற தன்னார்வத் தொண்டு நிறுவனத்தின் மே மாத இதழில் வெளிவந்த ஒரு கட்டுரையில் (May article) 27 வயது நிரம்பிய பெண்ணின் வலி மிகுந்த வரிகள் இவை,
“எங்கள் படுக்கை அறையில் நான் ஒரு பொம்மையைப் போன்று, அடிமை போன்றே நடத்தப்பட்டேன். மாத விடாய் காலங்களில் கூட எனக்கு ஓய்வு இல்லை. என் கணவனின் பிறந்த நாள் அன்று கட்டாய உடலுறவில் என் பிறப்புறுப்பில் செலுத்தப்பட்ட மின்கல விளக்கால் 60 நாட்கள் எனக்கு உதிரப் போக்கு ஏற்பட்டது”  என்று கூறியிருந்தார்.
உச்சநீதிமன்றத்திடம் அந்தப் பெண் திருமணத்தில் பாலியல் வன்புணர்வை குற்றச்செயல் என்று அறிவிக்க வேண்டும் என்று மனு கொடுத்தார்.
ஆனால் உச்ச நீதிமன்றம், ஓர் நபருக்காக சட்டம் மாற்றப்பட மாட்டது என்று மனசாட்சி இன்றி ஆணாதிக்க சமூகத்தின் பிம்பமாய் அந்த மனுவை நிராகரித்தது.
law book and gavelஇந்தக் கொடுமையைச் செய்த கணவனுக்கு எந்த வித தண்டனையும் இந்திய நீதி மன்றங்கள் வழங்கவில்லை என்பதே வேதனை. இப்படி இந்தியா முழுவதும் தினமும் பல பெண்கள் அவதிப்படுகின்றனர்.
டெல்லி பாலியல் வன்புணர்வு நிகழ்வுக்கு எதிராக நடைபெற்ற தொடர் போராட்டங்களுக்குப் பிறகு அமைக்கப்பட்ட நீதிபதி வர்மா குழு, திருமண வல்லுறவை குற்றமாக அறிவிக்கும் சட்டத்திருத்தத்தை மேற்கொள்ளச் சொல்லி 2013-இல் பரிந்துரை செய்த போதும் இன்றும் அச்சட்டம் எட்டாக் கனியாகவே உள்ளது. 2012-இல்  கர்நாடகாவில் உள்ள உயர் நீதிமன்றம், மனைவி எந்தவித காரணமும் இன்றி கணவனிடம் உடலுறவு வைத்துக் கொள்ளவில்லை எனின் அது கொடுமை என்று தீர்ப்பளித்தது. இதை வலியுறுத்தி உச்ச நீதிமன்றமும் ஒரு தீர்ப்பு வழங்கி இருக்கின்றது. இங்கே சட்டப்படி மனைவி என்ற பெண் கணவனின் பாலியல் அடிமை என்றே சட்டம் நிறுவியிருப்பது ஏற்கத்தக்கது அல்ல. திருமணம் புனிதம் நிறைந்தது அதில் பெண் வன்புணர்வு செய்யப்படலாம் என்பது அறிவு வளர்ச்சி பெற்ற சமூகத்தின் வெளிப்பாடாக இருக்க முடியாது.
உலக அளவில்  போலந்து (1932), செகச்லோவாக்கியா (1950), சோவியத் யூனியன் (1960), ஸ்வீடன் (1965), நார்வே (1971), அமெரிக்காவில் 18 மாநிலங்கள், 3 ஆஸ்திரேலியா மாநிலங்கள், நியூ சிலாந்து, கனடா, இஸ்ரேல், பிரான்ஸ் என்று பல நாடுகள் 20 ஆம் நூற்றாண்டின் இறுதியிலேயே  திருமண பாலியல் வன்புணர்வை சட்டப்படி குற்றம் என்று அறிவித்து விட்டது.
நம்முடைய இந்திய அரசமைப்புச் சட்டம் சரத் 21 -இன் படி எந்த ஒரு மனிதரின் வாழ்வுரிமையும் பாதிக்கப்படுதல் கூடாது. பெண் – அவளின் உடல் மீதான ஆதிக்கம் என்பது அடிப்படை இந்திய அரசமைப்புச் சட்டம் தரும் வாழ்வுரிமைக்கு எதிரானது. அந்த வகையில் எந்த மதமும், சமூகக் கட்டமைப்பும் அந்த அடிப்படை உரிமையை ஒரு பெண்ணிடம் இருந்து திருமணம் – கணவன் என்ற பெயரில் எடுத்துக் கொள்வது அரசமைப்புச் சட்டத்திற்கு எதிரானது என்பதை கருத்தில் கொண்டு இனியேனும் திருமணத்தில் பாலியல் வன்புணர்வு சட்டப்படி குற்றம் என்று சட்டம் இயற்ற வேண்டும்.

Saturday, March 5, 2016

புதிய முகம்

https://issuu.com/puthiyamugam.com/docs/magazine_march_1_test



புதிய முகத்தில் வெளிவந்த பெண்ணியம் குறித்த கட்டுரை . பக்கம் எண் 39-41

எப்படியும் நாளை எழுதிட வேண்டும் !!(கவிதை)


http://siragu.com/?p=19888

கடிகார மணி அடிக்கும் முன்
விறு விறு என்று எழுந்தேன்
கண்கள் கசக்கிய படி
மணியை பார்த்தேன்
ஆறடிக்க இன்னும் 15
நிமிடங்கள்
மனம் துயில் கொள்ளவே
விரும்பினாலும்
கால்கள் அடுக்களையை
நோக்கியே நடந்தன
சென்ற மாதம் படிக்க
ஆரம்பித்த நாவலை
எப்படியும் இந்த வாரமாவது
படித்து முடித்து விட வேண்டும்
என்று எண்ணிக் கொண்டே
அரிசியை கொதிக்கின்றே
உலையில் இட்டேன்
நேற்று தோன்றிய கவிதையை
எப்படியும் இன்று எழுதிட வேண்டும்
என்று நினைக்கையில்
மக்கள் இருவரையும் எழுப்பிட
வேண்டும் என்ற எண்ணம்
வந்தவளாய் இருவரையும்
எழும்பிட குரல் கொடுத்தேன்
கட கட என்று
காய் நறுக்கி
குழம்பு பொரியல்
காலை சிற்றுண்டி
தயாரித்து
ஆவி பறக்க தேநீர்
தயார் செய்து
செய்தித்தாளில்
மூழ்கிக்கிடக்கும்
கணவனுக்கு
தந்து விட்டு
தேநீர் பருகலாம் என்று
வாய் வரை கொண்டு
செல்லும் போது தான்
கவனித்தேன் மணி ஏழு;
இன்னும் ஒரு மணி
நேரத்தில் ஓட வேண்டும்
தேநீர் பிறகு அருந்தலாம்
என்று மேசையில்
வைத்து விட்டு
பிள்ளைகளை தயார் செய்து
சீருடை காலணிகள்  மாட்டி விட்டு
நிமிர்கையில்
மணி எட்டை நெருங்கிக்கொண்டிருக்க
தட தட வென நானும்
தயாராகி
தொடர் வண்டியை பிடித்து
கூட்டத்தில் நசுங்கி
அலுவலகம் செல்லும்
நேரம் மணி சரியாக பத்து ;
செக்கு மாடு வேலை என்றாலும்
மூளை சூடாகும் ;
மீண்டும் மாலை வீடு திரும்பும்
வேளை  நாளை
சமைக்க காய்கறி
வாங்கிக் கொண்டு
ஓட்டமும் நடையுமாய்
வீடு வந்து சேர்ந்தேன்
பிள்ளைகளை
ஒழுங்கு படுத்தி
படிக்க வைத்து
வீட்டினை சீர்ப்படுத்தி
இடைப்பட்ட நேரத்தில்
உணவு தயாரித்து
பிள்ளைகளுக்கும்
கணவனுக்கும் பரிமாறி
உண்ட பாத்திரங்களை
கழுவி
காய்கறிகளை வெட்டி
குளிர்ப்பெட்டியில் வைத்து விட்டு
வரும் போது தான் பார்த்தேன்
காலையில் மேசையில் வைத்த
தேநீர் ஆறியிருந்தது !!
பிள்ளைகள் தூங்கி விட்டனர்
நாவலை இரண்டு பக்கம்
புரட்டினேன் உடற்சோர்வும்
காலை எழ வேண்டுமே
என்ற எண்ணமும்
கண்களை மூட வைத்தது
மணி பதினொன்று !!
நினைத்துக்  கொண்டே இருக்கின்றேன்
உறக்கத்திலும்…;
சென்ற மாதம் படிக்க
ஆரம்பித்த நாவலை
எப்படியும் இந்த வாரமாவது
படித்து முடித்து விட வேண்டும்
நேற்று தோன்றிய கவிதையை
எப்படியும் நாளை எழுதிட வேண்டும் !!

Saturday, February 13, 2016

http://siragu.com/?p=19759

மெய்யாய் பொய்யாய்
மேதினியில் மனிதர் வாழ்வு
ஓடிக் கொண்டிருக்கும் …
மெய்யை உழைப்பாய்
ஒரு உயிர் தந்து கொண்டிருக்கும்…
இருட்டின் விளிம்பில்
இருண்டு போகும் வாழ்க்கை …
எனினும் மருட்சியில் மாளாது
துணிந்து தூய மனம் போராடும்;
தன்னை சதையாய் எண்ணிச்
சிதைத்து உண்டவனெல்லாம்
தரணியில் தயக்கமின்றி
மெய்யனாய் உலவுகின்றான்
பசிக்கு உடல்தனை புசிக்க
தந்தவள் நாய் தீண்டா
தரித்திர பிண்டமாம் !!
பசி எனச் சொன்னவளின்
உணவுக்கு வழி சொல்லாது
படுக்கைக்கு வழி காட்டிய
கயவனெல்லாம்
யோக்கிய கனவான்களாம்
பெண்ணை காமத்துக்காய்
கடித்து துப்பியவனெல்லாம்
மானம் போயின் உயிர் துற
என்றே பெண்ணுக்கு  இலக்கணம்
செப்பிடும் முரணே இங்கு விந்தை !!
வழி தெரியா வேளை
பசி, பிணி, கண்டும்
உதவாச் சமூகத்தின்
காமத்தின் தேடலுக்கு
வடிகாலாய் வாழ்ந்து
உயிர் நொந்து
உடல் தேயும்
பெண்
அவள்
அவிசாரி
விபச்சாரி
எனின்
காம வெறி கொண்டு
அலையும்
ஆண் அவன்
யார் என்றே
ஆண்டாண்டுகளாய்
உரக்க கேட்கின்றோம்
பதில் மட்டும்
இல்லை …!!??

Sunday, October 11, 2015

சிந்தனை செய் மனிதா !!

சிந்தனை செய் மனிதா !!




சிந்தனை செய் மனிதா 
பகுத்தறிவு கொண்டே
சிந்தனை செய் மனிதா !!

உணவளிப்பவன் கடவுள் எனின்
சோமாலியா நாட்டின் எல்லையில்
தூங்கி விட்டானா அவன் ?
என்றே சிந்தனை செய் மனிதா !!

ஏவுகணை விடும் நாளில்
ராவு காலம் என்பது உண்டா
என்றே சிந்தனை செய் மனிதா!!

வான்  கடவுளின் வீடு எனின்
ஓசோனில் ஓட்டை விழும் வரை
வேடிக்கை பார்த்தானா கடவுள்
என்றே சிந்தனை செய்
மனிதா !!

ஈழத்தில் பாலஸ்தீனத்தில்
ஈரானில் ஆப்கானிஸ்தானில்
ஈவு இரக்கமின்றி கொத்துக்கொத்தாய்
மனித உயிர்கள் கொல்லப்படுகையில்
கதைத்துக்  கொண்டிருந்தானா
கடவுள் என்றே சிந்தனை செய் மனிதா !!

பாலியல் வன்கொடுமை நடந்திடும்
நேரம் அங்கிங் கெனாதபடி
எங்கும் நிறைந்தவன்
பிடில் வாசித்துக் கொண்டிருந்தானா
என்றே சிந்தனை செய் மனிதா!!

தான்தோன்றிக் கடவுள்
தண்டவாளத்தில் இளவரசனும் - கோகுல்ராசும்
தலைக் கொய்து
கிடந்த போது தண்டச்சோறு
தின்றுக் கொண்டிருந்தானா
என்றே சிந்தனை செய் மனிதா !!

பரிணாமக் கொள்கை புரிந்து விடும்
மூளையின் மடிப்புகளில் படிந்திருக்கும்
மூடத்தனத்தை அகற்றினால்;
எனவே சிந்தனை செய் மனிதா !!

தூணிலும் துரும்பிலும் கடவுள் இல்லை
எங்கெங்கும் கரப்பான் தான் உண்டு
எனவே சிந்தனை செய் மனிதா !!

பகுத்தறிவு கொண்டே சிந்தனை செய்தால்
கடவுள் எனும் பொய்க் கற்பிதம்
வஞ்சகரின் சூழ்ச்சியால் வந்ததே
என்ற ஈரோட்டுத்  தந்தையின்
தத்துவம்  புரிந்திடுமே !!
மூடத்தனத்தின் தீச்செயல்
யாவும் நீங்கிடுமே !!

- வழக்கறிஞர்  ம .வீ . கனிமொழி

Sunday, August 2, 2015

என் மகள் எயினி



பத்து மாதம்
பக்குவமாய் நான் சுமந்த
மரகதமே !!
எயினி என்றே
பெயரிட்டோம் உனக்கு
எயினி எனின்
பாலை நிலத் தலைவியாம்!!
தலைவியாய் தமிழ்ச் சமுதாயத்திற்கு
உழைத்திட வேண்டுமம்மா நீ !!
தந்தை பெரியாரின்
அடிச்சுவட்டில் அடிபிறழாது
நடந்திட வேண்டுமம்மா நீ !!
கடவுளும் மதமும் சாதியும்
அழித்தொழித்து சமத்துவ
சமுதாயத்தின் விடிவெள்ளியாய்
உயர்ந்திட வேண்டுமம்மா நீ !!
மக்களை முடக்கிடும்
மூடநம்பிக்கை தனை
முழுவதுமாய் புறந்தள்ளி
பெண்ணினத்தின் பகுத்தறிவு
வேங்கையாய் வளர்ந்திட
வேண்டுமம்மா நீ !!
மெல்லிய குணம் தவிர்த்து
வல்லின மனம் கொண்டோலாய்
உன்னை வார்த்திட வேண்டுமம்மா நீ !!
பகுத்தறிவு பகலவனின் வழியில்
தொண்டாற்றிட வேண்டுமம்மா நீ !!
அறிவே உன் ஆயுதமாய் கொண்டு
பெற்றிடு வெற்றிகள் பல!!

Monday, May 25, 2015

அம்மா!!

அம்மா என்ற சொல் இங்கு மகனுக்கான அம்மாவாக மட்டுமே பார்க்கப்படுகின்றது!!
எந்த கலை வடிவமாக இருந்தாலும் பெரும்பான்மை ஆண்களின் கைகளில் இருப்பதால் இந்த நிலை. முகநூலும் அதற்கு விதிவிலக்கு அல்ல.
 மகளுக்கும் அம்மா உண்டு என்பதை மறக்கும் ஆணாதிக்க இந்திய சமூகத்தில் கலைகளும் அந்த நிலையிலேயே இருக்கின்றது!!

அனைத்து பெண் விலங்கினமும் கடினப்பட்டே குட்டிகளை ஈன்று எடுக்கின்றது அதற்கு தனியாய் இயங்கும் ஆற்றலைக் கற்றுத் தருகின்றது!!

ஆனால் மனித இனத்தில் மட்டும் தான் அதுவும் ஆணுக்கான அம்மாக்கள் மட்டும் தான் தியாகம் செய்கின்றனர்
பிள்ளைக்கு சோறு ஊட்டுகின்றனர் தூங்க வைக்கின்றனர் என்பது போன்ற கட்டமைப்பு!!

இதற்கு முக்கிய காரணம் அம்மா என்ற சொல்லின் புனிதம் என்ற கற்பிதம். இது ஆண் சமூகம் செய்யும் சூழ்ச்சிகளில் ஒன்று!!

அம்மா என்றால் சும்மா இல்லடா என்பதில் தொடங்கி பல பல போலி புனிதங்கள் அம்மா என்ற சொல் மீது இங்கு கட்டமைக்கப்படுகின்றது!!

அம்மா என்ற சொல்லின் புனிதத்திற்கு பின் மிகப் பெரிய அரசியல் இருக்கின்றது!!

ஒரு பெண்னை அவள் தனி மனிதம் என்பதை மறைத்து பிள்ளைகளுக்காக அனைத்தையும் தன் சுய அடையாளத்தை தொலைத்து இருக்கவே பயன்படுத்தப்படுகின்றது!!

பசி,காமம் போன்று தாய்மை உணர்வு என்பது இயற்கையானது இல்லை. சமூக கட்டமைப்பே அதை வெறும் பெண்ணுக்கான இன்றியமையா தேவையாக வைத்திருக்கின்றது!!

அம்மா என்பவர் மதிப்பிற்குரியவர் எனின் இருபாலரின் அம்மாவும் மதிக்கப்படவேண்டியவர்களே!! ஆணின் அம்மா மிக மதிப்பிற்குரியவராய் கட்டமைக்கப்பட்டதின் விளைவே பெண் சிசுக் கொலையின் ஒரு காரணம்!!


Tuesday, March 31, 2015

பார்ப்பானை நம்பாதே தமிழா!!

சிண்டு முடிவான் பார்ப்பான்
நேரடி பதில் தரான் பார்ப்பான்
மனுவின் காலம் திரும்பாத எனப் பார்ப்பான்
பூணூலை நீவி உலா வரப் பார்ப்பான்
மீண்டும் நமை அடிமையாக்கிட பார்ப்பான்
அதிகாரம் கொண்டு நமை ஆளப் பார்ப்பான்
சூழ்ச்சியால் நமை பிரித்திட பார்ப்பான்
மதக் கலவரம் மூட்டப் பார்ப்பான்
சாதிச் சண்டை வாராதா எனப் பார்ப்பான்
தமிழ் மடியாதா எனப் பார்ப்பான்
தமிழினம் ஒழியாதா எனப் பார்ப்பான்
திராவிடத்தை ஒழிக்கப் பார்ப்பான்
பார்ப்பனியம் காப்பான் பார்ப்பான்
பார்ப்பானை நம்பாதே தமிழா!!


Monday, March 16, 2015

அழியா தொண்டறச் செம்மல் வாழ்கவே!!



பெரியாரின் கைத்தடியே
புரட்சிப் பெட்டகமே!!

அவதூறுகள் உனை
அவமானப் படுத்தவில்லை;
மாறாக தூற்றியவர்களை
அவமானப்பட வைத்ததுக் காலம்!!

ஈரோட்டின் ஈடில்லாத் தொண்டினைத்
தமிழ்ச் சமூகம் பெற்றிட
அய்யாவை காத்திட்ட
அன்னையே!!

உலக வரலாற்றில்
நாத்திக இயக்கத்தின்
தலைவியாய் இருந்திட்ட
வீரத்தாய் நீவிர்! !

தோற்றத்தில் எளிமை
மனதிற்கண் போராட்டக்குணம்
கொண்ட புரட்சித் தலைவி நீவிர்!!

அய்யாவின் மறைவிற்குப்பின்
ஆரியக் கோட்டான்களின்
பிடறியில் அடித்து
இராவணலீலா நடாத்திக் காட்டிய
கொள்கைச் செம்மல் நீவிர்! !

திராவிடர் இயக்க வரலாற்றின்
அழியா தொண்டறச் செம்மல்
நீவிர் வாழ்கவே!!                                           -                 ம.வீ. கனிமொழி 

Sunday, March 8, 2015

Women's Day!!

March 8 th women's day... we exchange wishes celebrate women on this day alone leaving women in world of disrespect, fear giving her pain and agony all the year round.
Women have left their footprints of success in the pages of history with lot of hardwork,  embrassment, agony, disrespect. The success women got were not by walking in bed of roses but path of thorns.

Even today can we admit wholeheartedly that women are liberated from the chains of slavery. Yes they are educated. But how many of them are able to choose their education and profession as per their wish. They are denied higher education saying that it is hard to find a groom. Even if they complete graduation they have to choose work keeping family and kids in mind. A women cannot chase her dreams all alone . She is compelled to compromise or destroy her dreams or if she has to make her dreams come true she has to chase it with burden of family responsibilities. Else she will be questioned of her responsibility as a women.

The institution of marriage is nothing but breeding ground for domestic violence against women. It is said a person cannot good to be everyone; if they are then they are living on compromises. But a woman is expected to be good and satisfy all needs of members of husband's family. Is this not a great injustice we are doing to women folk? If she raise her voice against suppression then she is termed as a woman not fit for family .

Apart from home the society is constantly tormenting a women. How a woman should talk, laugh, eat; what a women should wear, how to wear everything is being decided by the male dominated society. If she is molested it is her fault, fault in her dress, fault of her coming out at nights and what not. No member of the society are worried about atrocious male chauvinist attitude.  What kind of society we live in? Two year girl babies being raped, school going girls raped by male teacher. Do they have to say that two year girl child seduced thirty year old man ? It is the rotten minds of men treating a woman or ogling at her as a sex chattel.

We teach a girl child all morals but what kind of morals we teach boy child at home? Are we teaching them to respect a girl ? Are we teaching them pain a girl undergoes during her mensus? Are we laying restrictions to a boy's behaviour to their opposite sex? Without moulding the character of a boy at home how are we just finding fault with girls? These mistakes we do at home in bringing up a boy child makes them a man of male chauvinist attitude.

There are still more Nirbhayas being raped every 20 minutes in India. Women are not treated equal to man by any religion. Manu says that a women has to depend her father when young, her husband after marriage, sons at her old age.
Christianity says that a women is made out of ribs of a man.
Islam says a woman has to cover her face and entire body.

Religion and society supresses women. Law tries to give some rights to women protect them from harassment.But they are not accessible to every women or rather many don't open their mouths to courts and police and live as a chattel accepting the pain. Even today a man can marry second wife and continue the relationship if the first wife accepts and does not complain about it.

Women though they work they dont have economic freedom to handle their finance as per their wish. They cannot spend on their parents or siblings just as a man does.

Women are not just to beautify themselves, cook, raise kids, clean and wash. A woman must first understand that have a profession to contribute to the growth of the country. As revolutionist Periyar said, " if a woman could earn money then no man would dare to treat them as slaves"

With all these issues are women liberated from their chains? is a million dollar question.

Let us not celebrate women's day as another ritual . When a women is respected just as a man; when a women has all rights men have then that day can be "HAPPY WOMEN'S DAY"

Tuesday, November 25, 2014

KaniBlog: உலகறியும் நாள் தொலைவில் இல்லை!!

KaniBlog: உலகறியும் நாள் தொலைவில் இல்லை!!

உலகறியும் நாள் தொலைவில் இல்லை!!

ஈழத்து மண்
ஈன்ற வீரம்
சிங்கள வெறியின்
சிரம் அறுத்த ஆற்றல்
வேங்கையின் பாய்ச்சலில்
விடுதலை பறை கொண்டு
இயற்கையின் புதல்வனாய்
அடிமை விலங்கொடிக்க
தமிழினத்தின் புகழ் மீட்க
தரணியில் பிறந்தவன் நீ!!
முப்படை நிறுவினாய்
தற்கொலைப்படை படைத்தாய்
தமிழ்மண்ணை மீட்டெடுக்க!
செஞ்சோலை அமைத்தாய்
செம்மொட்டுக்களுக்காக!!
எதிரிப் படை நடுங்கியது
உன்னெதிரில்;
உன் போர்முறை கண்டு
 சிதறி ஓடியது;
எதிர் நின்று வீழ்த்த முடியாத
உன் வீரத்தை
வஞ்சகக் கூட்டம்
வஞ்சித்து வீழ்த்தியது!!
வீழ்த்தப்பட்ட வீரம்
மாண்டுவிடவில்லை
மீண்டெழும் ஈழத்தை மீட்க
என உலகறியும் நாள்
தொலைவில் இல்லை!!






Monday, July 28, 2014

திராவிடத்தால் வாழ்ந்தோம்!!

சில பதர்கள் உரைத்திடும்
திராவிடத்தால் வீழ்ந்தோம் என்று
உரக்க உரைத்திடு  அவர்களிடம்
திராவிடம் வீழ்த்தியது ஆரியத்தை
திராவிடம் ஒழித்தது சாதியத்தை
திராவிடம்  கொடுத்தது கல்வியை
திராவிடம் வளர்த்தது தமிழை
திராவிடம் போற்றியது பெண்ணியத்தை
திராவிடம் தூண்டியது சிந்தனையை
திராவிடம் தகர்த்தது அறியாமையை
திராவிடம் ஊட்டியது தன்மானத்தை
திராவிடம் அடையாளம் காட்டியது
தமிழனை தமிழனுக்கே!!
சவக்குழியில் புதைந்த
தமிழையும் தமிழனையும்
மீட்டெடுத்து உயிர்கொடுத்தது
திராவிடம் திராவிடம் திராவிடம்!!!






Wednesday, July 23, 2014

கோயில் கருவறை நுழைவுப் போராட்டம்

நாத்திகர்கள் ஏன் கருவறை நுழைதலைப் பற்றி பேச வேண்டும் என்று கேட்பவர்கள் உண்டு... அதே போன்று ஏன் இந்து மதத்தை மட்டும் அதிகமாக விமர்சிக்கின்றோம் என்று கேட்பவர்கள் உண்டு...
கடவுள் இல்லை என்பது தான் எங்களின் கொள்கை ...ஆனால் என் சக தமிழன் கடவுள் நம்பிக்கை கொண்டிருக்கும்போது அவனுக்கு கருவறைக்குள் அனுமதி இல்லை அவன் சூத்திரன் என்று சொல்லும்போது எங்களுக்கும் சேர்த்துதான் அந்த இழிவு...
ஒரு காலத்தில் பேருந்துகளில் இருந்த சாதி,திரையரங்குகளில் இருந்த சாதி,வக்கில் சங்கங்களில் தனி தண்ணீர்ப்பானையாக இருந்த சாதி தந்தை பெரியாரின் உழைப்பால் அனைத்து இடங்களிலும் இருந்து விரட்டி அடிக்கப்பட்டது... ஆனால் சாதி இன்றும் இரண்டு இடங்களில் பாதுகாக்கப்படுகின்றது... ஒன்று  சரத் 372 ன் படி  சட்டப்படி நாம் இன்றும் சூத்திரரே ...         

சாதி பாதுகாக்கப்படும் மற்றொரு இடம் கோயில் கருவறை... 
சூத்திரன் என்றால் யார் என்றால்  மனுதர்மம் இவ்வாறு கூறுகின்றது.

சூத்திரன் என்பவன் ஏழு வகைப்படும்.

1) யுத்தத்தில் புறங்காட்டி ஓடுபவன்

2) யுத்தத்தில் கைதியாகப் பிடிக்கப்பட்டவன்

3) பிராமணனிடத்தில் பக்தியினால் ஊழியஞ் செய்கிறவன்

4) விபச்சாரி மகன்

5) விலைக்கு வாங்கப்பட்டவன்

6) ஒருவனால் கொடுக்கப்பட்டவன்

7) தலைமுறை தலைமுறையாக ஊழியம் செய்கிறவன் (மனுதர்மம் அத்தியாயம் 8 சுலோகம் 415) 

எனவே தான் தந்தை பெரியார் சூத்திரன் என்றால் ஆத்திரம் கொண்டு அடி என்றார்...

எனவே தான் கோயில் கருவறை நுழைவுப் போராட்டம் வலியுறுத்தப்படுகின்றது... 

Saturday, January 4, 2014

அம்மா உனக்கு இருக்கின்றேன்...

என் மகன் இலக்கணன் அழுது கொண்டே இருந்தான் அவனுக்காக எழுதியது


அம்மா உனக்கு இருக்கின்றேன்
'ஆ' என்று அழாதே
இலக்கணா என் மகனே
'ஈ' என்றே சிரித்திடு
உழைப்பே என்றும் உன்னதம் - அதற்கு
ஊட்டச்சத்து மிக அவசியம்
எண்ணம் நன்றாய் இருந்திட்டால்
ஏற்றம் உண்டு உனக்கு
ஐயம் வேண்டாம் என் சொல்லில்
ஒன்றே மாந்தர் யாவரும்
ஓங்கி எழுந்தே உரைத்திடு
ஒளவையின் ஆத்திச்சூடி
எ. .கு உள்ளம் கொண்டிடு

Saturday, August 10, 2013

ஓணம் !!



தமிழ்ப் பயிர் 
காக்க மறுக்கும் 
முன்னாள் தமிழனின்
மானம் மறைக்க
துணி நெய்கின்றான்
குமரித்தமிழன்!!

மாவலி சக்கரவர்த்தியின்
வருகை ஓணமாம்!! 
வாமனனாய் வஞ்சிக்கின்றது;
தமிழ் ஆலத்தின் 
விழுதுகள் என்பதை
மறந்த சேர விழுதுகள்!!

Saturday, August 3, 2013

NEVER LOSE YOUR INNER STRENGTH



NEVER LOSE YOUR INNER STRENGTH

As an advocate, I come across many issues the society is facing in its day to day activities.  The most issues that always grab attention are the divorce petitions filed in the court. Every day it is a routine to see all these family disputes, matrimonial issues. One thing is that there is no one to be blamed if a marriage is dissolved.  The parties are the judges to their life and whether to continue with the partner or not wholly ought to be decided by them. An advice is of waste in most matrimonial issues that knocks the doors of the court. 
One thing which I note is that, sometimes husband who wants a divorce from his wife for some reason or other in order to fit into the grounds of the divorce as per the Act, just say that his wife was involved in adultery, though it needs a lot of proof and need lot of evidences to prove it they just put in words of the petition on innocent wife in most cases.
The question is what makes the men to put such an INCONSIDERATE words in the petition whom he had shared his life and bed at least quite a few years.  I think the last weapon used against a woman in this society is assassination of the character of a woman so that she will no longer face the society and she would break down and let it go.
To all my woman friends I just wanted to say when there is no wrong on woman’s part and if such an allegation is made on you, never lose hope , you need more strength and courage to face this society with a baseless allegation on you. Nevertheless it is easy. But never give up. Stand and hold your head high and gain more inner strength. Never, never break down when anyone says ill of your character. We know what we are capable of and what life we lead. The society may assassinate your character after all it is the last resort this society uses to make a woman feeble and tender. Never allow your inner strength, your courage, to be assassinated by the deadly monsters around you. This was just a share of thought which I thought would share it after seeing some women breaking down when their character gets targeted.

What may this society speaks never worry to receive it if it is going to bring down your poise and power.